Sports

ନାଗପୁରର ବିଦର୍ଭ କ୍ରିକେଟ ସଂଘ ଷ୍ଟାଡିୟମରେ ଗୁରୁବାରଠୁ ଆରମ୍ଭ ହୋଇଥିବା ବର୍ଡର – ଗାଭାସ୍କର ଟ୍ରଫି ଟେଷ୍ଟ ଶୃଙ୍ଖଳାର ପ୍ରଥମ ମ୍ୟାଚର ପ୍ରଥମ ଦିବସରେ 11 wicket ଝଡିଛି l ରବୀନ୍ଦ୍ର ଜାଡେଜା ଓ ରବୀଚନ୍ଦ୍ରନ ଅଶ୍ବିନଙ୍କ ସ୍ପିନ ଜାଲରେ ଛନ୍ଦି ହୋଇ ଟସ ଜିତି ପ୍ରଥମେ ବ୍ୟାଟିଂ ନେଇଥିବା ଭ୍ରମଣକାରି ଅଷ୍ଟ୍ରେଲିଆ ପ୍ରଥମ ପାଳିରେ 177 ରନ କାରି ସମସ୍ତ wicket ହରାଇଥିଲା ବେଳେ ଘରୋଇ ଭାରତ ଅଧିନାୟକ ରୋହିତ ଶର୍ମାଙ୍କ ଅପରାଜିତ ଅର୍ଦ୍ଧଶତକ ବଳରେ ଗୋଟିଏ wicket ବିନିମୟରେ 77 ରନ କରିଛି l ଫଳରେ ହାତରେ 9 wicket ଥାଇ ଭାରତ 100 ରନ ପଛରେ ରହିଛି l ଭାରତର ଏକମାତ୍ର wicket ଭାବେ କେଏଲ ରାହୁଲ ଆଉଟ ହୋଇଛନ୍ତି l ରୋହିତଙ୍କ ସହ ନାଇଟ ୱାଚମ୍ୟାନ ଭାବେ ଆସିଥିବା ରବିଚନ୍ଦ୍ରନ ଅଶ୍ବିନ କ୍ରିଜରେ ରହିଛନ୍ତି l

ଟସ ଜିତି ପ୍ୟାଟ କମିନ୍ସ ପ୍ରଥମେ ବ୍ୟାଟିଂ ନିଷ୍ପତି ନେଇଥିଲେ l ହେଲେ ଭାରତର ଦୁଇ ଦ୍ରୁତ ବୋଲର ମହମ୍ମଦ ସାମି ଓ ମହମ୍ମଦ ସିରାଜ ଦଳୀୟ ସ୍କୋର 2 ରନ ବେଳକୁ ଅଷ୍ଟ୍ରେଲିଆର ଦୁଇ ଓପନରଙ୍କୁ ପାଭିଲିୟନ ଫେରାଇ ଦେଇଥିଲେ l ସିରାଜ ତାଙ୍କ ପ୍ରଥମ ଓଭରର ପ୍ରଥମ ବିଲରେ ଉସମାନ ଖୱାଜା ଏବଂ ସାମି ତାଙ୍କ ଦ୍ୱତୀୟ ଓଭରର ପ୍ରଥମ ବଲରେ ଡେଭିଡ ୱାର୍ଣ୍ଣରଙ୍କୁ ଶିକାର କରିନେଇଥିଲେ l ଉଭୟ ୱାର୍ଣ୍ଣର ଓ ଖାୱାଜା 1 ରନ ଲେଖାଏ କରିଥିଲେ l ଏହାପରେ ମାର୍ନସ ଲବୁସାନ ଏବଂ ଷ୍ଟିଭ ସ୍ମିଥ ତୃତୀୟ wicket ରେ 82 ରନ ଯୋଡ଼ି ସ୍ଥିତି ସୁଧାରିବାର ପ୍ରୟାସ କରିଥିଲେ l ଉଭୟ ମିଳିତ ଭାବେ 33.4 ଓଭର ଖେଳି ଭାରତକୁ wicket ଦେଇନଥିଲେ l ହେଲେ 36 ତମ ଓଭରରୁ ହିଁ ଭ୍ରମଣକାରୀ ଦଳ ପୁଣି ବିପର୍ଯ୍ୟୟର ସମ୍ମୁଖୀନ ହୋଇଥିଲେ l ବିଶେଷକରି କିଛି ମାସ ଧରି ଦୁରେଇ ରହିଥିବା ଅଲରାଉଣ୍ଡର ରବୀନ୍ଦ୍ର ଜାଦେଜା ପ୍ରତ୍ୟାବର୍ତ୍ତନରେ ଚମକ ଛାଡିଥିଲା ବେଳେ ରବୀଚନ୍ଦ୍ରନ ଅଶ୍ବିନ ତାଙ୍କୁ ଚମକ୍ତାର ସହଯୋଗ କରିଥିଲେ l ଉଭୟେ ମିଳିତ ଭାବେ ଶେଷ 8 wicket ବାଣ୍ଟିନେବାରୁ ଅଷ୍ଟ୍ରେଲିଆ 28 ଓଭରରେ 93 ରନ ଯୋଡି ଅଲଆଉଟ ହୋଇଯାଇଥିଲା l ତେବେ ମଧ୍ୟକ୍ରମରେ ପିଟର ହ୍ୟାଣ୍ଡସ୍କମ୍ବ ଓ ଆଲେକ୍ସ କରି ଷଷ୍ଠ wicket ରେ 53 ରନ ଯୋଡିବାରୁ ଦଳ 150 ଅତିକ୍ରମ କରିଯାଇଥିଲା l ଜାଦେଜା 36 ତମ ଓଭରର ଶେଷ ଦୁଇ ବଲରେ ଲବୁସାନ ଓ ରେନସଙ୍କୁ ଆଉଟ କରିଥିଲା ବେଳେ ପରେ ପରେ ଷ୍ଟିଭ ସ୍ମିଥ, ପିଟର ହ୍ୟାଣ୍ଡସ୍କୁମ୍ବ ଓ ଟଡ଼ ମର୍ଫିଙ୍କୁ ଶିକାର କରି 5 wicket ସଫଳତା ହାତେଇଥିଲେ l ଅଶ୍ବିନ ଆଲେକ୍ସ କାରି, ଅଧିନାୟକ ପ୍ୟାଟ କମିନ୍ସ ଓ ସ୍କଟ ବୋଲାଣ୍ଡଙ୍କୁ ଆଉଟ କରି ଅଷ୍ଟ୍ରେଲିଆ ପାଳିରେ ପୂର୍ଣ୍ଣଛେଦ ଟାଣିଥିଲେ l ଏହି ଅବସରରେ ଅଶ୍ୱିନ ମଧ୍ୟ ଟେଷ୍ଟ କ୍ରିକେଟରେ 450 wicket ପୂରଣ କରିନେଇଥିଲେ l

ଯବାବରେ ଅଧିନାୟକ ରୋହିତ ଶର୍ମା ଦ୍ରୁତ ରନ ସଂଗ୍ରହ ବଳରେ ଭାରତ ଭଲ ଆରମ୍ଭ କରିଥିଲା l ଗୋଟିଏ ପଟେ ରୋହିତ ରନ ଗତିକୁ ବଢାଇ ଚାଲିଥିଲା ବେଳେ ଅନ୍ୟପଟେ କେଏଲ ରାହୁଲ ରନ ପାଇଁ ସଂଘର୍ଷ କରିଥିଲେ l ସେ 20 ବଲ ଖେଳିବା ପରେ ପ୍ରଥମ ରନ କରିଥିଲା ବେଳେ 71 ବଲକୁ 20 ରନ କରି ପଦାର୍ପଣକରି ବୋଲର ଟଡ଼ ମର୍ଫିଙ୍କ ଶିକାର ହୋଇଥିଲେ l ତେବେ ରାହୁଲ ଆଉଟ ହେବା ପୂର୍ବରୁ ରୋହିତଙ୍କ ସହ ପ୍ରଥମ wicket ରେ 76 ରନ ଯୋଡ଼ି ଦଳକୁ ଭଲ ସ୍ଥିତି ଦେଇଥିଲେ l ରୋହିତ 69 ବଲକୁ 9 ଚୌକା ଓ 1 ଛକା ସହାୟତାରେ 56 ରନ କରି ଅପରାଜିତ ରହିଛନ୍ତି l