Sports

ଗତ ସଂସ୍କରଣ ପରି ଏଥର ମଧ୍ୟ ଭାରତର ବିଶ୍ୱକପ ଲକ୍ଷରେ ଅଷ୍ଟ୍ରେଲିଆ ବାଧା ଦେଇଛି l ଗୁରୁବାର ଖେଳାଯାଇଥିବା ମହିଳା ଟ୍ୱେଣ୍ଟି -20 ବିଶ୍ୱକପ ସେମିଫାଇନାଲରେ ଅଷ୍ଟ୍ରେଲିଆ 5 ରନରେ ଭାରତକୁ ହରାଇ ସପ୍ତମ ଥର ପାଇଁ ଫାଇନାଲରେ ପ୍ରବେଶ କରିଛି l ଅଷ୍ଟ୍ରେଲିଆ ପକ୍ଷରୁ ଧାର୍ଯ୍ୟ 173 ରନର ଲକ୍ଷକୁ ପିଛା କରି ଶେଷ ପର୍ଯ୍ୟନ୍ତ ଲଢେଇ କରିଥିବା ହର୍ମନପ୍ରୀତ କୌରଙ୍କ 167/8 ରେ ଅଟକି ଯାଇଥିଲା l

   ତେବେ ଏହି ମ୍ୟାଚରେ ଏକାଧିକ କ୍ୟାଚ ହାତଛଡା କରିବା ଭାରତକୁ ମାହଙ୍ଗା ସାବ୍ୟସ୍ତ ହୋଇଥିଲା l ଗତବର୍ଷ ପୁରୁଷ ଟ୍ୱେଣ୍ଟି -20 ବିଶ୍ୱକପ ସେମିଫାଇନାଲରୁ ଭାରତ ବିଦାୟ ନେଇଥିଲା l ଟସ ଜିତି ପ୍ରଥମେ ବ୍ୟାଟିଂ ନେଇଥିବା ଅଷ୍ଟ୍ରେଲିଆ ଭାରତର ଦୁର୍ବଳ କ୍ଷେତ୍ରରକ୍ଷଣର ଫାଇଦା ଉଠାଇ 4 wickete ବିନିମୟରେ 172ରନ କରିଥିଲା l ଆଲିସା ହିଲି (25) ଓ ବେଥ ମୁନି ଆରମ୍ଭରୁ ଦ୍ରୁତ ଖେଳୁବା ସହ ଅର୍ଦ୍ଧଶଟକୀୟ (52) ଭାଗିଦାର କରି ଦୃଢ଼ ମୂଳଦୁଆ କରିଥିଲେ l ପରେ ଅଧିନାୟକ ମେଗା ଲାନିଂ ସହ ମିଶି ମୁନି ଦଳକୁ ଶତକ ନିକଟତର କରାଇଥିଲା l ତେବେ ଅର୍ଦ୍ଧଶତକ ଅର୍ଜନ କରିସାରିଥିବା ମୁନି 54 ରନ କରିଥିଲା ବେଳେ ନିଜ wicket କରାଇଥିଲେ l ମୁନିଙ୍କ ସ୍ଥାନରେ ଆସିଥିବା ଆସଲେ ଗାର୍ଡନର ତୃତୀୟ wicket ରେ ଲାନିଂଙ୍କ ସହ 49* ରନ କରିଥିଲେ l

ଭାରତ ପାଇଁ ସବୁ ବୋଲର ମହଙ୍ଗା ହୋଇଥିଲା ବେଳେ ପ୍ରାରମ୍ବିକଦ୍ରୁତ ବୋଲର ରେଣୁକା ସିଂହ 2, ଦୀପ୍ତି ଶର୍ମା ଓ ରାଧା ଯାଦବ 1 wicket ଲେଖାଏ ଅକ୍ତିଆର କରିଥିଲେ l ପୂଜା ବସ୍ତ୍ରକାରଙ୍କ ବଦଳରେ ବିଶ୍ୱକପ ଦଳରେ ସାମିଲ ହୋଇଥିବା ସ୍ନେହ ରାଣୀ ଏକାଧିକ ସହଜ ସୁଯୋଗ ଦେଇଥିଲେ ବି କ୍ୟାଚ ହାତଛଡା ହେବାରୁ ତାଙ୍କୁ କୌଣସି ସଫଳତା ମିଳିନଥିଲା l

173 ରନର ବଡ଼ ଲକ୍ଷକୁ ପିଛା କରୁଥିବା ଭାରତୀୟ ଦଳ କିନ୍ତୁ ଆରମ୍ଭରୁ ବିପର୍ଯ୍ୟୟର ସମ୍ମୁଖୀନ ହୋଇଥିଲା l ଶେଫଳି ବର୍ମା (9), ସ୍ମୁତି ମନ୍ଦାନା (2), ୟାସ୍ତିକା ଭାଟିଆ (4) ଚତୁର୍ଥ ଓଭର ଭିତରେ ଆଉଟ ହୋଇଯାଇଥିଲେ l ତଥାପି ଯେମିମା ରଦ୍ରୀଗୁଏଜ ଓ ହର୍ମନପ୍ରୀତ କୌର ପାଳିକୁ ସମ୍ଭଳିନେବା ସହ ଦୃଢ଼ ଭାବେ ରନ ସଂଗ୍ରହ କରିଥିଲେ l ଓଭର ପିଛା ପାଖାପାଖୀ 11 ରନ ହାରରେ ରନ ସଂଗ୍ରହ କରି 10 ଓଭର ବେଳକୁ ଦଳୀୟ ସ୍କୋର 100 ପାଖରେ ପହଞ୍ଚାଇଦେଇଥିଲା l ତେବେ 24 ବଲକୁ 43 ରନ କରିଥିବା ବେଳେ ଦର୍ଶୀ ବ୍ରାଉନଙ୍କ ମୁଣ୍ଡ ଉପରେ ଯାଉଥିବା ବାଉନ୍ସରକୁ ଥାର୍ଡମ୍ୟାନ ଅଞ୍ଚଳକୁ ଅପରକଟ ଖେଳିବାକୁ ଯାଉଥିଲା l ବେଳେ ହିଲିଙ୍କ ହାତରେ ଧରାପଡିଯାଇଥିଲା l ଯେମିମାନଙ୍କ wiket ଯିବା ପରେ ରନଗତି ସାମାନ୍ୟ ଧିମା ପଡିଯାଇଥିଲେ ବି 13ତମ ଓଭର ବେଳଠୁ ହର୍ମନପ୍ରୀତ ଚୌକା ବର୍ଷା ଆରମ୍ଭ କରିଥିଲେ l ଯାହାଫଳରେ 15ତମ ଓଭରର ଦ୍ଵିତୀୟ ବଲରେ ଲଗାତାର ଚୌକା ମାରି ଅର୍ଦ୍ଧଶତକ ପୂରଣ କରିଥିଲା l କିନ୍ତୁ ଦୁଇଟି ବଲ ପରେ ହର୍ମନପ୍ରୀତ 2 ରନ ନେବାକୁ ଦୌଡ଼ିଥିଲା ବେଳେ ସେ ରନ ଆଉଟ ହୋଇଥିଲେ l ଶେଷରେ 16 ରନ ଥିଲା ଦଳକୁ ଜିତାଇବାକୁ l ହେଲେ ହାତରେ 3 wiket ବଳକା ଥିଲା l କିନ୍ତୁ ଶେଷ ଓଭରରୁ କେବଳ 10 ରନ ସଂଗ୍ରହ ହୋଇପାରିଥିଲା l

L