Sports

ତିନି ବର୍ଷ ଧରି ଶତକ ମରୁଡିର ଅନ୍ତ ଘଟାଇଛନ୍ତି ରୋହିତ ଶର୍ମା 1101 ଦିନ ପରେ ହୋଲକର ଷ୍ଟାଡିୟମରେ ମଙ୍ଗଳବାର ନ୍ୟୁଜଲାଣ୍ଡ ବିପକ୍ଷରେ ସେ 101 ରନର ପାଳି ଖେଳିଥିଲେ l ଶେଷଥର ପାଇଁ 2020 ଜାନୁଆରୀ 19ରେ ଅଷ୍ଟ୍ରେଲିଆ ବିପକ୍ଷରେ ଏମ. ଚିନ୍ନାସ୍ୱାମୀ ଷ୍ଟାଡିୟମରେ ସେ ଶତକ ମାରିଥିଲେ l ମଙ୍ଗଳବାର ନ୍ୟୁଜଲାଣ୍ଡ ବିପକ୍ଷରେ ମାରିଥିବା କ୍ୟାରୀୟରର 30 ତମ ଶତକ ବଳରେ ରୋହିତ ସର୍ବାଧିକ ଶତକ ଅର୍ଜନକାରୀଙ୍କ ମଧ୍ୟରେ ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂଙ୍କ ସମକକ୍ଷ ହୋଇଛନ୍ତି l ଏବେ ଉଭୟ ରୋହିତ ଓ ପଣ୍ଟିଂଙ୍କ ଉପରକୁ ଏହି ତାଲିକାରେ ସଚିନ ତେନ୍ଦୁଲକର (49) ଏବଂ ବିରାଟ କୋହଲି (46) ରହିଛନ୍ତି l ସବୁଠୁ ବଡ଼ କଥା ହେଲା ମୋଟ 30 ମଧ୍ୟରୁ କେବଳ 28 ଶତକ ରୋହିତ ଓପନର ଭାବେ ମାରିଛନ୍ତି l ଏକ୍ଷେତ୍ରରେ କେବଳ ତେନ୍ଦୁଲକର (45) ସବୁଠୁ ଆଗରେ ରହିଥିଲା ବେଳେ ଶ୍ରୀଲଙ୍କାର ସତନ ଜୟସୂରିଆ ମଧ୍ୟ 28 ଶତକ ଓପନର ଭାବେ ମାରିଥିଲେ l

ସେହିପରି 83 ବଲରୁ ଶତକ ମାରିବା ପରେ ଏହା ତାଙ୍କର ଦିନିକିଆରେ ଦ୍ଵିତୀୟ ଦ୍ରୁତତମ ଶତକ ହୋଇଛି l 2017ରେ ରୋହିତ ତାଙ୍କର ଦ୍ରୁତତମ ଟ୍ୱଣ୍ଟି -20 ଶତକ ଏହି ପଡିଆରେ ମାରିଥିଲେ l ଶ୍ରୀଲଙ୍କା ବିପକ୍ଷରେ ଖେଳିଥିବା ଉକ୍ତ ଟ୍ୱଣ୍ଟି -20 ମ୍ୟାଚରେ ସେ 35 ବଲକୁ ଶତକ ଅର୍ଜନ କରିଥିଲେ l

ରୋହିତ ଓ ଶୁବମନ ଗିଲଙ୍କ 212 ରନର ପ୍ରଥମ wicket ଭାଗିଦାରୀ ଭାରତ ପାଇଁ ଦିନିକିଆରେ ପାଞ୍ଚମ ସର୍ବାଧିକ ରହିଛି l ତେବେ ନ୍ୟୁଜଲାଣ୍ଡ ବିପକ୍ଷରେ ଦିନିକିଆ ଆନ୍ତର୍ଜାତିକରେ ଏହା ଭାରତର ସର୍ବୋଚ୍ଚ ପ୍ରଥମ wicket ଭାଗିଦାରୀ l ଏହା ପୂର୍ବରୁ ନ୍ୟୁଜଲାଣ୍ଡ ବିପକ୍ଷ ଏହି କିର୍ତ୍ତୀ ଗୌତମ ଗମ୍ଭୀର ଓ ବୀରେନ୍ଦ୍ର ସେହବାଗ ( ଅବିଭାଜିତ 201 ରନ,2009, ହାମିଲଟନ ) ଙ୍କ ନାମରେ ଥିଲା l

ଇନ୍ଦୋରରେ ମଙ୍ଗଳବାର ଉଭୟ ରୋହିତ ଓ ଗିଲ ଶତକ ଜମାଇଥିଲେ l ଉଭୟ ପ୍ରାରମ୍ଭିକ ବ୍ୟାଟର 100 ରନ ଲେଖାଏ ସଂଗ୍ରହ କରିବାରେ ଏହା ଦଶମ ଘଟଣା ଥିଲା l ଶେଷଥର ପାଇଁ 2019ରେ ବିଶାଖାପାଟଣାରେ ୱେଷ୍ଟଇଣ୍ଡିଜ ବିପକ୍ଷରେ ରୋହିତ ଓ କେଏଲ ରାହୁଲ 100 ରନ ଲେଖାଏ ସ୍କୋର କରିଥିଲେ l

ଅନ୍ୟପକ୍ଷରେ କୌଣସି ତିନି ମ୍ୟାଚ ବିଶିଷ୍ଟ ଦ୍ବିପାକ୍ଷୀକ ଦିନିକିଆ ଆନ୍ତର୍ଜାତିକ ଶୃଙ୍ଖଳାରେ ସର୍ବାଧିକ ରନ କରିବାରେ ବିଶ୍ୱ କିର୍ତ୍ତୀମାନ ରଖିଥିବା ପାକିସ୍ତାନ ଅଧିନାୟକ ବାବର ଆଜମଙ୍କ ସମକକ୍ଷ ହୋଇଯାଇଛନ୍ତି ଗିଲ l ଚଳିତ ନ୍ୟୁଜଲାଣ୍ଡ ବିପକ୍ଷ ଶୃଙ୍ଖଳାରେ ଗିଲ ମୋଟ 360 ରନ କରିଥିଲା ବେଳେ ବାବର ଆଜମ 2016ରେ ୱେଷ୍ଟଇଣ୍ଡିଜ ବିପକ୍ଷ ଶୃଙ୍ଖଳାରେ 360 ରନ କରିଥିଲେ l ବାବର ସେହି ଶୃଙ୍ଖଳାର ତିନିତିଯାକ ମ୍ୟାଚରେ କ୍ରମଗତ ଶତକ ଜମାଇଥିଲା ବେଳେ ଗିଲ ଗୋଟିଏ ଦ୍ବିଶତକ, ଗୋଟିଏ ଶତକ ଏବଂ ଅପରାଜିତ 40 ରନ କରିଛନ୍ତି l

3ମ୍ୟାଚ ବିଶିଷ୍ଟ ନ୍ୟୁଜଲାଣ୍ଡ ବିପକ୍ଷ ଶୃଙ୍ଖଳାରେ ଶୁବମନଙ୍କ ଏହା ଦ୍ଵିତୀୟ ଏବଂ କ୍ୟାରୀୟରର ଚତୁର୍ଥ ଶତକ ଥିଲା l ଗିଲ ମଧ୍ୟ ଭାରତୀୟ ଓପନରଙ୍କ ମଧ୍ୟରେ ଚତୁର୍ଥ ଶତକ (କମ ପାଳି ବିର୍ତ୍ତିରେ )ଅର୍ଜନ କରିବାରେ ଶିଖର ଧାୱନଙ୍କୁ ପଛରେ ପକାଇ ଦେଇଛନ୍ତି l ଶିଖର 4 ଶତକ ପାଇଁ 24 ପାଳି ଖେଳିଥିଲା ବେଳେ ଶୁବମନ ଏହାକୁ 21 ପାଳିରେ ପୂରଣ କରିଥିଲେ l

ଭୁବନେଶ୍ୱର ଚଳିତ ଏଫଆଇଏଚ ପୁରୁଷ ହକି ବିଶ୍ୱ କପର କ୍ଵାଟରଫାଇନାଲ ସ୍ଥାନ ପାଇଁ ସୋମଵାର ଫ୍ରାନ୍ସ -ଜର୍ମାନି ଏବଂ ଆର୍ଜେଣ୍ଟିନା – କୋରିଆ କ୍ରସଓଭର ମ୍ୟାଚ ଖେଳିବେ l ଏହି ଦୁଇଟି ଯାକ କ୍ରସ ଓଭର ମ୍ୟାଚ କଳିଙ୍ଗ ଷ୍ଟାଡିୟମରେ ଖେଳାଯିବ l ଗ୍ରୁପ -ଏ ରେ ଫ୍ରାନ୍ସ ଗୋଟିଏ ଲେଖାଏ ବିଜୟ, ପରାଜୟ ଓ ଅମୀମାସିତରୁ 4 ପଏଣ୍ଟ ସହ ଟେବୁଲର ତୃତୀୟ ସ୍ଥାନରେ ରହି ଏହି ଯୋଗ୍ୟତା ଅର୍ଜନ କରିଥିଲେ l ଏହି ଦଳ ଗ୍ରୁପ -ବି ର ଦ୍ଵିତୀୟ ସ୍ଥାନରେ ଥିବା ଜର୍ମାନୀ (2 ବିଜୟ,1 ଡ୍ର,7 ପଏଣ୍ଟ ) କୁ ଭେଟିବ l

ଦୁଇ ଥରର ବିଜେତା ଜର୍ମାନୀ (2002,2006) ତୃତୀୟ ଟ୍ରଫି ଲକ୍ଷ୍ୟ ରଖିଛି l କେବେ ବିଶ୍ୱକପ ଜିତିନଥିବା ଫ୍ରାନ୍ସକୁ ହରାଇ କ୍ଵାଟରରେ ପହଞ୍ଚିବା ଲକ୍ଷ୍ୟ ରହିଛି ଜର୍ମାନୀ l କ୍ଵାଟରରେ ଏହି ଦୁଇ ଦଳର ବିଜେତା ଇଂଲଣ୍ଡକୁ ଭେଟିବ l

ଅନ୍ୟପକ୍ଷରେ ଆର୍ଜେଣ୍ଟିନା ଓ କୋରିଆ ପ୍ରଥମ ବିଶ୍ୱକପ ଜିତିବା ଲକ୍ଷ୍ୟରେ ରହିଛନ୍ତି l 2014 ରେ ତୃତୀୟ ସ୍ଥାନ ଆର୍ଜେଣ୍ଟିନାର ଶ୍ରେଷ୍ଠ ବିଶ୍ୱକପ ପ୍ରଦର୍ଶନ l ସେହିପରି କୋରିଆର ଶ୍ରେଷ୍ଠ ପ୍ରଦର୍ଶନ ହେଉଛି 2002 ଓ 2006 ରେ ଚତୁର୍ଥ ସ୍ଥାନ l ଚଳିତ ସଂସ୍କରଣରେ ଆର୍ଜେଣ୍ଟିନା (1ବିଜୟ ଓ 1ଡ୍ର ) ଗ୍ରୁପ -ଏ ରେ 5 ପଏଣ୍ଟ ପାଇ ଟେବୁଲର ଦ୍ଵିତୀୟ ସ୍ଥାନରେ ଏବଂ କୋରିଆ (1 ବିଜୟ ଓ 2 ପରାଜୟ ) ଗ୍ରୁପ – ବି ରେ 3 ପଏଣ୍ଟ ପାଇ ତୃତୀୟ ସ୍ଥାନରେ ରହି କ୍ରସ ଓଭରରେ ପହଞ୍ଚିଥିଲେ l ଏହି ମ୍ୟାଚର ବିଜୟ ଦଳ ହିଁ ବୁଧବାର କ୍ଵାଟରଫାଇନାଲରେ ନେଦରଲାଣ୍ଡ୍ସ କୁ ଭେଟିବ l

Bhubaneswar will host the France-Germany and Argentina-Korea crossover matches on Monday for a place in the quarterfinals of the current FIH Men's Hockey World Cup. Both the crossover matches will be played at the Kalinga's Stadium. The team will face Group B runners-up Germany (2 wins, 1 draw, 7 points).

Two-time winners Germany (2002, 2006) are aiming for a third trophy. Germany are aiming to reach the quarter-finals after defeating France, who have never won a World Cup. The winner of the two teams will face England in the quarter-finals.

Argentina and Korea, on the other hand, are aiming to win their first World Cup l Third place in 2014 is Argentina's best World Cup performance l Likewise Korea's best performance is fourth place in 2002 and 2006 l In this edition Argentina (1 win and 1 draw) is second in the table with 5 points in Group-A and Korea (1 win, 2 losses) finished third in Group B with 3 points and reached the crossover. The winner of this match will meet the Netherlands in the quarterfinals on Wednesday.